17-г1а февралехь Ваштарарчу юккъерчу ишколера хьехархошна юккъехь д1аехьира нохчийн меттан денна лерина йолу конкурс.

     Оцу къовсамехь дара нохчийн яздархойн, кхачанийн, диттийн, дийнатийн, стоьмийн а, хастоьмийн а ц1арех, белхан г1ирсах а, зударийн йийбарех а лаьцна т1едилларш. 

     Ткъа хьехархойн жоьпаш талла баьхкина бара Шуьйта к1оштан Коьрта хьаькаман г1овс Басханов Муслим а, Шуьйта к1оштан кхоллараллин отделан белхало Бурсагова Табарик а.

     Тергамхоша къастира хьалхара меттиг еккхина йолу толамхо. Иза яра нохчийн меттан хьехархо Шамаева Аида. Кестта Аидас дакъа лоцур ду ишколан арахьара къовсамехь. Ткъа биссначу хьехархоша шайн нохчийн маттахь долу хаарш зерехь, кхиъ болх д1ахьур бу.